اسی طرح چلوں گی جیسے دنیا پر میرا ہی اختیار ہو،متھیراکا ناقدین کو دو ٹوک جواب
Web Desk
30 November 2025
بولڈ شخصیت اور صاف گوئی کے باعث شہرت رکھنے والی ماڈل و ٹی وی میزبان متھیرا ایک بار پھر سوشل میڈیا پر موضوعِ بحث ہیں، حال ہی میں فیشن شو کے دوران ان کی ریمپ واک کی ایک ویڈیو وائرل ہوئی جس کے بعد متعدد صارفین نے ان کی واک اور ظاہری خدوخال پر سخت تنقید کی۔
وائرل ویڈیو پر کچھ صارفین نے کہا کہ متھیرا پہلے زیادہ خوبصورت دکھتی تھیں جبکہ اب ان کا وزن بڑھ گیا ہے، کچھ نے ان کی واک کو غیرمعیاری قرار دیا، ایک صارف نے طنز کرتے ہوئےلکھا “اس سے اچھی واک تو میں کر لو”جبکہ چند صارفین نے نازیبا الفاظ استعمال کرتے ہوئے انہیں “ملازمہ جیسی”قرار دیا۔مسلسل تنقید کے بعد متھیرا نے سوشل میڈیا کے ذریعے اپنا مؤقف پیش کرتے ہوئے کہا کہ افسوس ہے کہ لوگ ان کے بارے میں منفی باتیں بنا رہے ہیں، حالانکہ وہ صرف اپنی صحت پر توجہ دیتے ہوئے خوش رہنے کی کوشش کر رہی ہیں۔متھیرا کے مطابق انہیں شو میں بطور ماڈل مدعو کیا گیا تھا اور انہوں نے کوئی غلط کام نہیں کیا تاہم بیمار ذہنیت رکھنے والے پیجز ان کے خلاف بے بنیاد باتیں پھیلا رہے ہیں۔متھیرا نے بتایا کہ ان کا گھٹنے کا آپریشن ہوا ہے اور وہ تھائرائڈ کے مسائل کا بھی سامنا کر رہی ہیں، اس کے باوجود تنقید کرنے والے لوگ صورتحال کو سمجھے بغیر طنزیہ رویّہ اختیار کیے ہوئے ہیں۔انہوں نے کہا کہ ایسے پیجز اور ان پر نازیبا تبصرے کرنے والوں پر انہیں افسوس ہے،اپنے بیان کے آخر میں متھیرا نے دو ٹوک انداز میں کہا کہ وہ ایک تنگ نظر معاشرے میں حوصلے اور اعتماد کے ساتھ زندگی گزار رہی ہیں اور آگے بھی ایسے ہی بڑھتی رہیں گی، ان کے بقول”میں اپنے لیے اسی طرح چلوں گی جیسے دنیا پر میرا ہی اختیار ہو“
متعلقہ عنوانات
ببرک شاہ اور وینا ملک آج بھی جڑے ہوئے ہیں، ببرک شاہ کا انکشاف
25 May 2026
فہد مصطفیٰ اپنے کپڑوں اور شارٹس پر ہونے والی تنقید کے بعد بھڑک اٹھے
25 May 2026
خواتین اپنے حقوق کے لیے آواز اٹھائیں لیکن وومن کارڈ استعمال نہ کریں ، صنم سعید
25 May 2026
شوبز میں بڑھتی عمر کا دباؤ: ”جوانی ہی کامیابی کی واحد علامت نہیں
23 May 2026
سارہ خان اور فلک شبیر کے ہاں دوسری بیٹی کی پیدائش
23 May 2026
برصغیر کے عظیم پہلوان غلام حسین المعروف گاما کی 66ویں برسی
23 May 2026
ایمن سلیم نے گنیز ریکارڈ بنانے کی کہانی شیئر کر دی
22 May 2026
ریئلٹی شو یا خطرناک تجربہ؟ ’میریڈ ایٹ فرسٹ سائٹ‘ پر جنسی تشدد کے الزامات نے تہلکہ مچا دیا
22 May 2026