واٹس ایپ صارفین پلیٹ فارم سے پُر اسرار طور پر غائب ہونے لگے

انسٹنٹ میسجنگ ایپلی کیشن واٹس ایپ (WhatsApp) کے عالمی صارفین پُر اسرار طور پر پلیٹ فارم سے غائب ہونے لگے ہیں، جس کے بعد سوشل میڈیا پر صارفین کی جانب سے شدید تشویش کا اظہار کیا جا رہا ہے۔ گزشتہ 24 گھنٹوں (یا 01 روز) کے دوران دنیا بھر میں متعدد صارفین نے شکایت کی ہے کہ ان کے اکاؤنٹس بغیر کسی پیشگی اطلاع یا واضح وجہ کے اچانک معطل اور بلاک کر دیے گئے ہیں۔ متاثرہ صارفین کو ایپلی کیشن اوپن کرنے پر ایک نوٹیفکیشن موصول ہو رہا ہے جس میں بتایا جا رہا ہے کہ ان کا اکاؤنٹ معطل کر دیا گیا ہے اور فی الوقت اس کا جائزہ لیا جا رہا ہے۔ اس اچانک اور پُر اسرار معطلی کی وجہ سے لاکھوں صارفین کا مواصلاتی رابطہ منقطع ہو گیا ہے، تاہم کمپنی کی جانب سے اس کی حتمی تکنیکی وجہ تاحال بیان نہیں کی گئی۔