واٹس ایپ نے نیا فیچر متعارف کروا دیا

رپورٹس کے مطابق واٹس ایپ اس پر کام کر رہی ہے کہ صارفین کو ٹاپ ایپ بار میں اسٹیٹس اپ ڈیٹس تک براہ راست رسائی فراہم کی جائے۔ ٹاپ بار وہ جگہ ہے جہاں پروفائل آئیکون نظر آتا ہے، اور اس فیچر کے ذریعے وہ افراد جن سے آپ سب سے زیادہ چیٹ کرتے ہیں، ان کے اسٹیٹس چیٹ ٹیب میں سب سے اوپر نظر آئیں گے۔

اس کا مقصد یہ ہے کہ صارفین چیٹ ٹیب سے نکلے بغیر اسٹیٹس دیکھ سکیں۔ کمپنی نے اس فیچر کو بہتر بنانے کے لیے مختلف طریقے آزما رکھے ہیں، جن میں ٹاپ بار کے ساتھ ساتھ چیٹ بار میں نیچے اسکرول کرنے پر کانٹیکٹس کی اسٹیٹس اپ ڈیٹس ایک قطار میں دکھائی دینا بھی شامل ہے۔

یہ فیچر ابھی آزمائشی مراحل میں ہے، اور کمپنی نے واضح نہیں کیا کہ یہ کب تک تمام صارفین کے لیے متعارف کرایا جائے گا۔