واٹس ایپ میں فیس بک اور انسٹاگرام کی پوسٹس شیئر کرنے کا نیا فیچر متعارف

پیغام رسانی کی دنیا کی مقبول ترین ایپ واٹس ایپ (WhatsApp) نے اپنے صارفین کی سہولت کے لیے ایک نئے اور منفرد کراس پلیٹ فارم فیچر کی آزمائش شروع کر دی ہے۔ اس فیچر کے تحت صارفین اب فیس بک اور انسٹاگرام کی تصاویر، ویڈیوز، پوسٹس اور ریلز (Reels) کو ایپ تبدیل کیے بغیر براہِ راست واٹس ایپ پر شیئر کر سکیں گے۔ ٹیکنالوجی کی خبروں پر نظر رکھنے والی ویب سائٹ ‘ڈبلیو اے بیٹا انفو’ (WABetaInfo) کے مطابق یہ فیچر اینڈرائیڈ اور آئی او ایس ڈیوائسز کے بیٹا ورژنز پر زیرِ آزمائش ہے۔

رپورٹ میں بتایا گیا ہے کہ جب صارفین واٹس ایپ میں ‘میڈیا پکر’ (Media Picker) کا آپشن کھولیں گے تو انہیں فون کی گیلری کے ساتھ فیس بک اور انسٹاگرام کے سورسز بھی نظر آئیں گے۔ ان اکاؤنٹس کو منسلک کرنے پر میٹا پلیٹ فارمز کا تمام میڈیا ایک گرڈ (Grid) کی شکل میں دکھائی دے گا جہاں سے پسندیدہ ریل یا تصویر منتخب کر کے شیئر کرنا آسان ہو جائے گا۔ یہ نیا ٹول فی الحال صرف بیٹا ٹیسٹرز کے لیے دستیاب ہے، جبکہ تمام عام صارفین کے لیے اس فیچر کی باقاعدہ دستیابی کی تاریخ کا اعلان جلد توقع ہے۔