واٹس ایپ سٹیٹس میں مزید بہتری کر دی گئی
Web Desk
13 April 2026
سوشل میڈیا اور میسجنگ ایپس پر ‘سٹوریز’ کی مقبولیت کو دیکھتے ہوئے میٹا کی ملکیت والی ایپ واٹس ایپ نے اپنے ‘اسٹیٹس’ فیچر میں ایک انقلابی تبدیلی لانے کی تیاری کر لی ہے۔ ویب بیٹا انفو (WABetaInfo) کی تازہ ترین رپورٹ کے مطابق، اب واٹس ایپ اسٹیٹس کو براہِ راست چیٹ ٹیب (Chat Tab) کا حصہ بنا دیا جائے گا، جس کے بعد صارفین کو اسٹیٹس دیکھنے کے لیے علیحدہ ٹیب میں جانے کی ضرورت نہیں رہے گی۔ یہ فیچر واٹس ایپ اسٹیٹس کو فیس بک اور انسٹاگرام اسٹوریز کے ڈیزائن کے بہت قریب لے آئے گا۔
اس نئی تبدیلی کی سب سے اہم بات یہ ہے کہ اب صارفین ایسے افراد کے اسٹیٹس بھی دیکھ سکیں گے جن کا نمبر ان کے پاس محفوظ (Save) نہیں ہوگا، بشرطیکہ ان سے کبھی چیٹ پر بات چیت ہوئی ہو۔ رپورٹ میں بتایا گیا ہے کہ یہ فیچر بائی ڈیفالٹ نمایاں نہیں ہوگا بلکہ صارفین کو چیٹ لسٹ کو نیچے کی جانب پل (Pull Down) کرنا ہوگا، بالکل اسی طرح جیسے ٹیلی گرام (Telegram) میں اسٹوریز تک رسائی حاصل کی جاتی ہے۔ اس لسٹ میں سب سے پہلے ان افراد کے اسٹیٹس نظر آئیں گے جن سے صارف کا رابطہ سب سے زیادہ رہتا ہے۔
فل وقت اس فیچر کی آزمائش اینڈرائیڈ اور آئی او ایس (iOS) کے بیٹا ورژن پر کی جا رہی ہے۔ ماہرینِ ٹیکنالوجی کا کہنا ہے کہ اس اقدام سے واٹس ایپ میں اسٹیٹس کی ویورشپ (Viewership) میں بڑا اضافہ متوقع ہے کیونکہ اب یہ صارفین کی نظروں کے سامنے ہوں گے۔ اگرچہ ابھی اس فیچر کی عالمی سطح پر لانچنگ کی حتمی تاریخ سامنے نہیں آئی ہے، لیکن بیٹا ٹیسٹنگ کا آغاز اس بات کی علامت ہے کہ بہت جلد تمام صارفین اس نئے اور جدید انٹرفیس سے فائدہ اٹھا سکیں گے۔
متعلقہ عنوانات
ایکس پر ماہانہ فیس ادا نہ کرنیوالے صارفین اب روزانہ صرف 50 پوسٹس کرسکیں گے
20 May 2026
گوگل نے اپنے نئے ایپ آئیکونز متعارف کرا دیے
20 May 2026
سائنس دان معدوم پرندہ دنیا میں واپس لانے کے قریب
20 May 2026
ایپل صارفین کے لیے نئی سہولت متعارف کرانے جا رہا ہے
19 May 2026
واٹس ایپ اکاؤنٹ بند ہونے کا خطرہ، صارفین کو خبردار کردیا
19 May 2026
آئی فون 18 کی قیمتوں سے متعلق بڑی خبر!
19 May 2026
ایلون مسک اوپن اے آئی کے خلاف مقدمہ ہار گئے، امریکی جیوری کا فیصلہ
18 May 2026
ایک دن میں 68 فیصد صارفین کے پاس ورڈز ہیک ہو سکتے ہیں: سائبر سکیورٹی کمپنی
18 May 2026