واٹس ایپ کی اسٹیٹس سے متعلق نئے فیچر کی آزمائش

مقبول ترین انسٹنٹ میسجنگ ایپلی کیشن واٹس ایپ نے اینڈرائیڈ صارفین کے لیے ایک نیا اور آسان فیچر متعارف کرانا شروع کر دیا ہے، جس کے تحت اسٹیٹس اپ لوڈ کرنے کے بعد بھی اس کا کیپشن باآسانی ایڈٹ کیا جا سکے گا۔ یہ فیچر فی الحال اینڈرائیڈ کے بیٹا ورژن 2.26.30.1 کے منتخب صارفین کے لیے گوگل پلے اسٹور پر دستیاب ہے، جسے جلد عام صارفین کے لیے بھی رول آؤٹ کر دیا جائے گا۔ اس سے قبل کیپشن میں کسی بھی غلطی کو درست کرنے کے لیے پورا اسٹیٹس ڈیلیٹ کر کے دوبارہ اپ لوڈ کرنا پڑتا تھا، تاہم اب صارفین اسٹیٹس لسٹ کے مینو یا پھر اسٹیٹس دیکھتے وقت پنسل کے آئیکن پر کلک کر کے فوری کیپشن تبدیل کر سکیں گے۔