واٹس ایپ کا اینڈرائیڈ صارفین کیلئے نئے فیچر پر کام جاری

ٹیکنالوجی ویب سائٹ ‘واٹس ایپ بیٹا انفو’ کے مطابق واٹس ایپ نے اینڈرائیڈ کے بیٹا صارفین کے لیے ’چینل اسٹوریج کلین اپ‘ نامی ایک نیا اور مفید فیچر مرحلہ وار متعارف کروانا شروع کر دیا ہے۔ اس نئے فیچر کے تحت صارفین چینلز کی میڈیا فائلوں کو تصاویر، ویڈیوز، اسٹیکرز اور وائس نوٹس کی اقسام میں فلٹر کر کے غیر ضروری مواد کو آسانی اور تیز رفتاری سے حذف کر سکیں گے۔ واٹس ایپ نے اس فیچر تک رسائی کے دو طریقے دیے ہیں؛ جہاں چینل انفو اسکرین کے علاوہ اپ ڈیٹس ٹیب سے ایک ساتھ متعدد چینلز کی میڈیا فائلیں ڈیلیٹ کی جا سکتی ہیں۔ یہ فیچر ان صارفین کے لیے انتہائی ناکارہ ثابت ہوگا جو بہت سے فعال چینلز کو فالو کرتے ہیں اور جن کے فون کی اسٹوریج میڈیا فائلوں کی وجہ سے تیزی سے بھر جاتی ہے۔