معروف اداکار و صداکار شجاعت ہاشمی انتقال کرگئے

پاکستان شوبز انڈسٹری کے نامور اداکار اور مایہ ناز صداکار شجاعت ہاشمی طویل علالت کے بعد انتقال کر گئے ہیں۔ ان کے اہل خانہ کے مطابق وہ گزشتہ کچھ عرصے سے صحت کے مسائل کا شکار تھے۔ شجاعت ہاشمی نے اپنی منفرد آواز اور جاندار اداکاری کے ذریعے ریڈیو، ٹیلی ویژن اور فلمی دنیا میں ایک نمایاں مقام بنایا اور دہائیوں تک مداحوں کے دلوں پر راج کیا۔

مرحوم کی نمازِ جنازہ آج رات 9 بجے جامعہ نعیمیہ، گڑھی شاہو لاہور میں ادا کی جائے گی۔ ان کی وفات پر فنکار برادری اور مداحوں کی بڑی تعداد نے گہرے دکھ اور رنج کا اظہار کرتے ہوئے اسے انڈسٹری کے لیے ایک بڑا نقصان قرار دیا ہے۔ شجاعت ہاشمی کی فنکارانہ خدمات، خاص طور پر ان کی صداکاری کو ہمیشہ یاد رکھا جائے گا۔