سنگل چارج پر 1058 میل تک بلارکے سفر کرنے والی گاڑی

دنیا بھر میں ماحول دوست ٹیکنالوجی کی جانب بڑھتے ہوئے، چینی آٹو کمپنی ایکس پینگ نے پہلی ایسی الیکٹرک ہائبرڈ ایس یو وی متعارف کرا دی ہے جو سنگل چارج پر ایک ہزار میل سے زائد فاصلہ طے کرنے کی صلاحیت رکھتی ہے۔
ایکس پینگ جی 7 ایس یو وی میں 55.8 کلو واٹ بیٹری پیک کے ساتھ ایک چھوٹا پیٹرول انجن بھی نصب ہے جو سفر کے دوران بیٹری کو ری چارج کرتا رہتا ہے۔ کمپنی کے مطابق یہ گاڑی بجلی اور پیٹرول کے امتزاج سے 1058 میل تک بغیر رکے سفر کر سکتی ہے۔
یہ گاڑی جدید سپر ایکسٹینڈ رینج ٹیکنالوجی سے لیس ہے اور مستقبل میں یورپ، مشرق وسطیٰ اور ایشیائی منڈیوں میں پیش کی جائے گی۔