سائنس دانوں نے سگریٹ نوشی ترک کرنے کا مؤثر طریقہ ڈھونڈ نکالا!

عالمی طبی جائزہ: حالیہ سائنسی جائزوں کے مطابق، جو افراد سگریٹ نوشی چھوڑنے کے لیے نکوٹین والے ویپس کا استعمال کرتے ہیں، ان میں کامیابی کی شرح نکوٹین پیچز، چیونگ گم اور لوزینجز استعمال کرنے والوں سے کہیں زیادہ ہے۔ رپورٹ میں انکشاف کیا گیا ہے کہ نکوٹین والے ای سگریٹس ناصرف روایتی متبادلات بلکہ نکوٹین سے پاک ویپس سے بھی زیادہ بہتر نتائج فراہم کر رہے ہیں۔

تاہم، امریکی ادارے سینٹر فار ڈیزیز کنٹرول اینڈ پریونشن (CDC) نے اس رجحان پر تشویش کا اظہار کیا ہے۔ ماہرین کا کہنا ہے کہ ایک نکوٹین والی چیز چھوڑ کر دوسری نکوٹین والی چیز اپنانا صحت کے لیے “مکمل بہتری” قرار نہیں دیا جا سکتا۔ اگرچہ عام سگریٹ کے دھوئیں میں 7000 سے زائد مہلک کیمیکلز ہوتے ہیں اور ویپس میں ان کی تعداد نسبتاً کم ہے، لیکن ویپس میں موجود دیگر کیمیائی مادے پھیپھڑوں اور دل کے لیے اب بھی خطرہ بنے ہوئے ہیں۔