پی ٹی آئی سیکرٹری جنرل سلمان اکرم راجہ کو حراست میں لے لیا گیا

پاکستان تحریکِ انصاف (پی ٹی آئی) کے سیکرٹری جنرل اور سینئر قانون دان سلمان اکرم راجہ کو پولیس نے حراست میں لے لیا ہے۔ اپوزیشن اتحاد کے ترجمان کی جانب سے جاری کردہ ابتدائی بیان کے مطابق سلمان اکرم راجہ کو اسلام آباد کے تھانہ نیلور کی حدود سے اس وقت حراست میں لیا گیا جب وہ کوٹلی ستیاں سے واپس لوٹ رہے تھے۔

سلمان اکرم راجہ کی غیر متوقع حراست کے حوالے سے پولیس یا مقامی انتظامیہ کی جانب سے تاحال کوئی باضابطہ موقف یا گرفتاری کی وجوہات سامنے نہیں آئی ہیں۔ پی ٹی آئی کی قیادت نے اس اقدام کی شدید الفاظ میں مذمت کرتے ہوئے سلمان اکرم راجہ کی فوری اور بلا مشروط رہائی کا مطالبہ کیا ہے۔