پلاسٹک کے کچرے سے بسکٹ بنانے کا تجربہ، سائنسدانوں کی نئی پیش رفت

امریکی ریاست الینوائے کی سدرن الینوائے یونیورسٹی کے سائنسدانوں نے پلاسٹک کے کچرے کو دوبارہ قابلِ استعمال بنانے کے لیے ایک منفرد تجربہ کرتے ہوئے پلاسٹک سے حاصل ہونے والے اجزا سے بسکٹ تیار کر لیے ہیں۔ “یو بائٹس” نامی اس منصوبے کے تحت محققین نے بیکر کے خمیر کی ایک تبدیل شدہ شکل تیار کی ہے جو پلاسٹک کے ٹکڑوں کو توڑ کر ایسے مادوں میں تبدیل کرتی ہے جو خوراک کی تیاری میں کام آ سکیں۔ سائنسدانوں کا کہنا ہے کہ یہ ٹیکنالوجی بالخصوص خلا میں طویل سفر کرنے والے انسانوں کے لیے خوراک کے حصول میں مددگار ثابت ہو سکتی ہے۔ تاہم، پراجیکٹ کے رہنما پروفیسر لہِرو جیاکوڈی کے مطابق اس ٹیکنالوجی کی کامیابی کے بعد سب سے بڑا چیلنج عوام کو اس خوراک کے استعمال پر آمادہ کرنا اور صارفین کا اعتماد حاصل کرنا ہے، جبکہ مارکیٹ میں لانے سے قبل اس کی حفاظت اور غذائی معیار سے متعلق مزید سائنسی مراحل بھی طے کیے جائیں گے۔