امریکا اور نیٹو کا گرین لینڈ پر ابتدائی معاہدہ، معدنی وسائل میں حصہ اور محدود اختیارات طے

واشنگٹن: امریکہ اور نیٹو کے درمیان گرین لینڈ اور آرکٹک خطے کے لیے ابتدائی معاہدہ طے پا گیا ہے، جس کا فریم ورک برطانیہ کے سائپرس معاہدے کی طرز پر بنایا گیا ہے۔ امریکی صدر ڈونلڈ ٹرمپ اور نیٹو کے سیکریٹری جنرل مارک رٹے نے گرین لینڈ کے چند منتخب علاقوں میں امریکہ کے محدود اختیارات اور معدنی وسائل میں حصے پر اتفاق کیا ہے۔

نیویارک ٹائمز کے مطابق معاہدے کے تحت امریکا فوجی مشقیں، انٹیلی جنس مشنز اور تربیتی سرگرمیاں بغیر ڈنمارک کی اجازت کے انجام دے سکے گا جبکہ روس اور چین کسی صورت اس معاہدے میں مداخلت نہیں کر سکیں گے۔ امریکا اس جزیرے پر جدید گولڈن ڈوم سسٹم بھی نصب کرے گا۔

صدر ٹرمپ نے اس موقع پر یوٹرن لیتے ہوئے یورپی ممالک پر ٹیرف عائد کرنے کی دھمکی واپس لے لی اور کہا کہ اگلے ماہ نیٹو پر کوئی نیا ٹیرف نہیں لگایا جائے گا۔ ڈنمارک کی وزیراعظم نے فوجی طاقت کے استعمال کی مخالفت کی، جبکہ روس اور چین نے معاہدے میں غیر مداخلت کی یقین دہانی کرائی۔