سٹاک مارکیٹ میں تیزی، کاروبار کا مثبت رجحان رہا

پاکستان اسٹاک ایکسچینج میں کاروباری ہفتے کے چوتھے روز مثبت رجحان دیکھنے میں آیا، جس کے نتیجے میں سرمایہ کاروں کو اربوں روپے کا فائدہ ہوا۔ دن کے آغاز پر مارکیٹ میں شدید تیزی رہی اور 900 سے زائد پوائنٹس کے اضافے سے ہنڈرڈ انڈیکس 1 لاکھ 75 ہزار 796 پوائنٹس کی بلند سطح کو چھو گیا۔ تاہم تریدنگ کے اختتام پر تیزی میں معمولی کمی آئی اور انڈیکس 153 پوائنٹس کی برتری برقرار رکھتے ہوئے 1 لاکھ 74 ہزار 929 پوائنٹس کی سطح پر بند ہوا۔ واضح رہے کہ گزشتہ کاروباری دن کے اختتام پر اسٹاک مارکیٹ میں ہنڈرڈ انڈیکس 1690 پوائنٹس کی بڑی گراوٹ کے بعد 1 لاکھ 74 ہزار 776 پوائنٹس پر بند ہوا تھا۔