وزیراعظم نے ٹریڈ فیسلیٹیشن بورڈ کے قیام کی منظوری دے دی

وزیراعظم محمد شہباز شریف نے ملک میں تجارت کی سہولت کاری اور بندرگاہوں کی استعداد کار کو بین الاقوامی معیار کے مطابق بہتر بنانے کے لیے اہم اقدامات کی منظوری دے دی ہے۔ وزیراعظم کی زیرِ صدارت ہونے والے اعلیٰ سطح کے اجلاس میں ان کی اپنی سربراہی میں ’ٹریڈ فیسلیٹیشن بورڈ‘ قائم کرنے کا فیصلہ کیا گیا، جو سرحد پار تجارت، سپلائی چین کی بہتری اور تمام نان ٹیرف امور سے متعلق پالیسی سازی کرے گا۔ وزیراعظم نے پورٹ چارجز کی کمی اور پری ارائیول کلیئرنس کی سہولیات کا جائزہ لیتے ہوئے بندرگاہوں پر مال کی ترسیل آسان بنانے کے لیے مختلف ورکنگ گرو گروپس تشکیل دینے کی ہدایت کی، تاکہ چھوٹے و درمیانے درجے کے کاروباروں (SMEs) کو بین الاقوامی تجارت میں بہتر مواقع میسر آ سکیں۔