مقبوضہ مغربی کنارے سکیورٹی خدشات، امریکی اہلکاروں اور انکے اہلخانہ پر سفری پابندیوں میں توسیع

امریکہ نے مقبوضہ مغربی کنارے میں سیکیورٹی خدشات اور غیر یقینی صورتحال کے پیشِ نظر اپنے سرکاری اہلکاروں اور ان کے اہل خانہ کے سفر پر عائد عارضی پابندی میں توسیع کر دی ہے۔ یروشلم میں واقع امریکی سفارت خانے کی جانب سے جاری بیان کے مطابق علاقے میں بڑھتے ہوئے سیکیورٹی خطرات کے باعث یہ قدم اٹھایا گیا ہے۔ یہ سفر کی پابندی ابتدائی طور پر اتوار کو نافذ کی گئی تھی، جسے اب بدھ کی شام تک بڑھا دیا گیا ہے۔ سفارتی اعلامیے میں مزید کہا گیا ہے کہ اگر خطے کے حالات میں بہتری نہ آئی تو اس پابندی میں آئندہ بھی توسیع کی جا سکتی ہے۔