والدہ کے انتقال کے بعد ڈرامہ سیٹ پر ناخوشگوار تجربہ، علی طاہر کا انکشاف
Web Desk
8 January 2026
پاکستانی شوبز انڈسٹری کے معروف اداکار علی طاہر نے اپنی والدہ کے انتقال کے فوراً بعد ڈرامہ سیٹ پر پیش آنے والے ایک تلخ اور ناخوشگوار تجربے سے پردہ اٹھا دیا ہے۔
حال ہی میں علی طاہر نے کامیڈین اور میزبان احمد علی بٹ کے پوڈکاسٹ میں بطور مہمان شرکت کی، جہاں انہوں نے شوبز انڈسٹری اور ڈرامہ سیٹس پر درپیش مسائل پر کھل کر گفتگو کی۔ انہوں نے بتایا کہ وہ سینئر فنکار، ماہرِ تعلیم اور مصنف نعیم طاہر اور معروف ریڈیو شخصیت یاسمین طاہر کے صاحبزادے ہیں، اداکارہ وجیہہ طاہر کے شریکِ حیات اور ایک بیٹی کے والد بھی ہیں۔
علی طاہر کا کہنا تھا کہ ڈرامہ سیٹس پر بدانتظامی کے باعث فنکاروں کو اکثر ذہنی دباؤ اور تلخ تجربات کا سامنا کرنا پڑتا ہے۔ انہوں نے کہا کہ وہ معمولی باتوں پر سیٹ چھوڑنے کے قائل نہیں کیونکہ پروڈیوسرز اپنی محنت اور سرمایہ لگاتے ہیں، اس لیے فنکاروں کو غیر ضروری نخرے نہیں دکھانے چاہئیں۔
انہوں نے انکشاف کیا کہ حالیہ ایک ڈرامے کی شوٹنگ کے دوران انہیں شدید ذہنی اذیت سے گزرنا پڑا۔ ایک سین کی شوٹنگ کے لیے انہیں تقریباً سات گھنٹے تک انتظار کروایا گیا جبکہ ان کی داڑھی پر مٹی یا دیگر مواد لگایا گیا تھا۔ طویل انتظار کے باعث وہ شدید غصے اور دکھ میں مبتلا ہو گئے۔
علی طاہر کے مطابق اس موقع پر انہوں نے ہدایت کار سے صرف اتنا کہا کہ آپ کی پلاننگ بہت خراب ہے۔ انہوں نے بتایا کہ بعض فنکار ایسے حالات میں پوری ٹیم پر سخت تنقید کرتے ہیں، مگر وہ عموماً تحمل اور برداشت سے کام لیتے ہیں۔ تاہم یہ واقعہ ان کی والدہ کے انتقال کے فوراً بعد پیش آیا تھا، جس کی وجہ سے وہ شدید صدمے میں تھے اور اپنے جذبات پر قابو نہ رکھ سکے، ورنہ وہ ہمیشہ پُرسکون رہنے کی کوشش کرتے ہیں۔
متعلقہ عنوانات
ٹک ٹاکر کی مہندی تقریب میں دو افراد کی ہلاکت کیس میں اہم پیشرفت
21 November 2026
حنا جاوید قتل کیس: پولیس نے چالان میں گھریلو ملازم ذیشان کو مرکزی ملزم قرار دے دیا
21 November 2026
روسی وزارت خارجہ کی پریس بریفنگ میں پاکستانی اداکارہ دنانیر مبین کی کامیابی کا خصوصی ذکر
21 November 2026
سینئر اینکر پرسن ربیعہ احسن قتل کیس، ملزم احسن طاہر اڈیالہ جیل سے رہا
20 November 2026
شازیہ منظور کی جائیداد پر مبینہ قبضے کی کوشش، 2 ملزمان گرفتار
20 November 2026
مس یونیورس ویتنام سے 48 روز بعد ہی تاج واپس لے لیا گیا
20 November 2026
عالمی آرٹ میلے میں پاکستانی ثقافت کی نمائندگی، گلوکار عظیم ڈار کو گیسٹ آف آنر کا اعزاز
20 November 2026
گلوکارہ شازیہ منظور کے گھر مسلح افراد کا حملہ، جان سے مارنے کی دھمکیاں
19 November 2026