ماہرین کے نزدیک مائیکروویو میں فرنچ فرائز بنانا زیادہ فائدہ مند کیوں؟

شکاگو: تلی ہوئی اشیاء میں چکنائی کی زیادتی موٹاپے، ہائی بلڈ پریشر اور دل کے امراض کی بنیادی وجہ سمجھی جاتی ہے۔ یونیورسٹی آف الینوائے کے سائنسدانوں نے اپنی حالیہ تحقیق میں پایا ہے کہ فرنچ فرائز بنانے کے روایتی طریقے کے مقابلے میں “مائیکرو ویو ہیٹنگ” کا استعمال کہیں زیادہ بہتر نتائج دے سکتا ہے۔

ماہرین کے مطابق، مائیکرو ویو فرائینگ کے ذریعے آلوؤں کے اندر تیل کے جذب ہونے کی شرح کو نمایاں طور پر کم کیا جا سکتا ہے۔ اس طریقے کی خاص بات یہ ہے کہ یہ فرائز کی بیرونی سطح کو روایتی فرائینگ کی طرح ہی “کرسپی” (Crispy) رکھتا ہے جبکہ اندرونی چکنائی کو کم کر دیتا ہے۔ محققین کا کہنا ہے کہ صارفین عموماً صحت بخش غذا کی خواہش تو رکھتے ہیں لیکن خریداری کے وقت ذائقے کو ترجیح دیتے ہیں؛ یہ نئی ٹیکنالوجی ذائقے اور صحت کے درمیان ایک بہترین توازن فراہم کرتی ہے۔