اقوام متحدہ کا حوثیوں کو میزائلوں کے پرزے روکنے، اسلحہ سازی کی صلاحیت محدود کرنے پر اتفاق

اقوامِ متحدہ کی سلامتی کونسل نے یمن کی حوثی ملیشیا کو ڈرون اور میزائل بنانے والے پرزوں کی فراہمی روکنے اور ان کی اسلحہ سازی کی صلاحیت محدود کرنے پر اتفاق کرتے ہوئے ملیشیا پر عائد پابندیوں میں 14 نومبر 2027ء تک توسیع کر دی ہے۔ اجلاس کے دوران سلامتی کونسل نے حوثی ملیشیا سے فوری طور پر اپنی عسکری کارروائیاں روکنے کا مطالبہ کیا اور سعودی عرب پر کیے جانے والے حملوں کی شدید مذمت کی، جبکہ برطانوی مندوب نے خبردار کیا کہ حوثی حملوں سے یمن سمیت پورے خطے کے امن کو سنگین خطرات لاحق ہیں۔ دوسری جانب اقوامِ متحدہ کی جانب سے جاری کردہ اعداد و شمار میں بتایا گیا ہے کہ یمن میں اس وقت 2 کروڑ 23 لاکھ افراد کو فوری انسانی امداد کی ضرورت ہے جبکہ حالیہ لڑائی کے نتیجے میں 3 لاکھ 30 ہزار سے زائد افراد بے گھر ہو چکے ہیں۔