اقوامِ متحدہ نے معیاری عالمی نقشے میں کشمیر کو متنازعہ علاقہ قرار دے دیا

نیویارک / اسلام آباد: اقوامِ متحدہ کی جنرل اسمبلی نے اپنے معیاری عالمی نقشے میں تبدیلیاں لاتے ہوئے ‘ایکوئل ارتھ’ (Equal Earth) نقشہ اپنانے کی قرارداد کثرتِ رائے سے منظور کر لی ہے، جس میں جموں و کشمیر کو باضابطہ طور پر متنازعہ علاقہ دکھایا گیا ہے۔

منظور کی گئی قرارداد کے تحت روایتی مرکیٹر نقشے کے بجائے ایکوئل ارتھ نقشہ نافذ کیا گیا ہے، جس میں کشمیر کی حدود اور لائن آف کنٹرول (LoC) کو نقطہ دار (dotted line) لکیر سے واضح کیا گیا ہے۔ بھارت سمیت 164 رکن ممالک نے اس قرارداد کی حمایت میں ووٹ دیا۔ عالمی سطح پر بھارت کی جانب سے اس نقشے کے حق میں ووٹ دینے سے نئی دہلی کے مقبوضہ کشمیر کو اپنا “اٹوٹ انگ” اور اندرونی معاملہ قرار دینے کے بیانیے کو شدید زچ پہنچی ہے۔

شدید اندرونی و سیاسی تنقید کے بعد بھارتی وزارتِ خارجہ نے وضاحتی بیان جاری کرتے ہوئے دعویٰ کیا کہ اس کی حمایت محض نقشے کے جغرافیائی تناسب کی حد تک تھی، سرحدوں کی حد تک نہیں۔ تاہم، ترجمان دفترِ خارجہ پاکستان نے بھارتی وضاحت کو یکسر مسترد کرتے ہوئے کہا کہ اقوامِ متحدہ کا منظور شدہ نقشہ ہی عالمی سطح پر حتمی اور معتبر ہے جو مسئلہ کشمیر پر پاکستان کے اصولی موقف اور سلامتی کونسل کی قراردادوں کی توثیق کرتا ہے۔