پی ٹی آئی والے یوٹرن لینے کے ماہر ہیں، کسی ایک بات پر قائم نہیں رہتے: عطا تارڑ

وفاقی وزیر اطلاعات و نشریات عطا اللہ تارڑ نے اسلام آباد میں میڈیا سے گفتگو کرتے ہوئے پاکستان تحریک انصاف پر شدید تنقید کی اور کہا ہے کہ پی ٹی آئی یوٹرن لینے کی ماہر ہے اور اپنی کسی بات پر قائم نہیں رہتی۔ انہوں نے دوٹوک الفاظ میں کہا کہ پی ٹی آئی کو واضح فیصلہ کرنا ہوگا کہ وہ پاکستان کے ساتھ کھڑی ہے یا افغانستان کے ساتھ، کیونکہ سہولیات یہاں سے لی جاتی ہیں مگر ہمدردیاں دہشتگردوں کے ساتھ نظر آتی ہیں۔ عطا تارڑ نے الزام عائد کیا کہ خیبرپختونخوا حکومت کو انسدادِ دہشتگردی کے لیے 700 ارب روپے مل چکے ہیں مگر اس کے باوجود صوبائی حکومت دہشتگردوں کو تحفظ فراہم کرنے کی پالیسی پر عمل پیرا ہے۔