ثنا جاوید نے دھوکہ دیا تھا، عمیر جیسوال کی تصدیق

پاکستانی موسیقی اور اداکاری کی دنیا کے معروف نام عمیر جیسوال نے سوشل میڈیا پر ایک معنی خیز پیغام شیئر کیا ہے، جسے مداح ان کی سابقہ اہلیہ ثنا جاوید کی جانب سے مبینہ دھوکے کی بالواسطہ تصدیق قرار دے رہے ہیں۔ عمیر جیسوال نے اپنے انسٹاگرام اکاؤنٹ پر ایک اقتباس شیئر کیا جس میں زور دیا گیا ہے کہ جو لوگ اپنے شریکِ حیات کے ساتھ بے وفائی کرتے ہیں، ان کے ساتھ تعلق برقرار نہیں رکھا جانا چاہیے اور سال 2026 میں ایسے رویوں کو معمول بنانے کے بجائے ان کا مکمل بائیکاٹ ہونا چاہیے۔

واضح رہے کہ عمیر جیسوال اور ثنا جاوید کی شادی 2020 میں ہوئی تھی، تاہم جنوری 2024 میں اداکارہ ثنا جاوید اور کرکٹر شعیب ملک کی اچانک شادی کے اعلان نے مداحوں کو ششدر کر دیا تھا۔ اس وقت دونوں شخصیات پر اپنی سابقہ ازدواجی زندگیوں میں بے وفائی کے الزامات لگے تھے۔ عمیر جیسوال کی حالیہ پوسٹ پر سوشل میڈیا صارفین کی بڑی تعداد ان سے اظہارِ ہمدردی کر رہی ہے اور ان کا موقف ہے کہ دھوکہ دہی ایک ناقابلِ قبول عمل ہے جس کی ہر سطح پر مذمت ہونی چاہیے۔