رات کو سوشل میڈیا کے استعمال پر کرفیو کا اعلان

برطانوی حکومت نے 16 اور 17 سال کی عمر کے نوجوانوں کے لیے رات 12 بجے سے صبح 6 بجے تک سوشل میڈیا کے استعمال پر ڈیفالٹ کرفیو لگانے کی تجویز پیش کی ہے۔ اس منصوبے کے تحت انسٹاگرام، ٹک ٹاک اور یوٹیوب جیسے پلیٹ فارمز کے علاوہ لت پیدا کرنے والے فیچرز جیسے آٹو پلے اور لامحدود اسکرولنگ رات کے اوقات میں خود بخود غیر فعال رہیں گے، تاؤقتیکہ صارف خود سیٹنگز میں تبدیلی نہ کرے۔ برطانوی حکومت رواں سال کے آخر تک یہ تجاویز پارلیمنٹ میں پیش کرے گی، جن پر عملدرآمد اگلے سال موسمِ بہار میں 16 سال سے کم عمر بچوں پر سوشل میڈیا پابندی کے ساتھ متوقع ہے۔ تاہم آن لائن چیلنجز کے خلاف کام کرنے والی سماجی کارکنان نے ان تجاویز کو غیر کافی قرار دیتے ہوئے موقف اپنایا ہے کہ اختیاری (Optional) پابندی کے بجائے حکومت کو زیادہ سخت اور مستقل اقدامات کرنے چاہئیں۔