متحدہ عرب امارات کی مغربی کنارے میں اسرائیلی آباد کاروں کے حملوں کی مذمت

متحدہ عرب امارات نے مقبوضہ مغربی کنارے میں اسرائیلی آباد کاروں کی جانب سے فلسطینیوں پر جاری حملوں کی شدید الفاظ میں مذمت کرتے ہوئے عالمی برادری سے فوری اور مؤثر اقدامات کا مطالبہ کیا ہے۔ یو اے ای کی وزارتِ خارجہ کی جانب سے جاری بیان میں کہا گیا ہے کہ ان پرتشدد حملوں اور آباد کاروں کی حوصلہ افزائی کے پیچھے اسرائیلی حکومت کی براہِ راست اجازت اور حمایت کارفرما ہے۔ اماراتی وزارتِ خارجہ نے عالمی برادری پر زور دیا ہے کہ وہ فلسطینی عوام کو تحفظ فراہم کرنے اور ان کی سرزمین کے دفاع کے لیے اپنی قانونی و اخلاقی ذمہ داریاں فوری طور پر ادا کرے۔