پی ایس ایل کی دو نئی ٹیموں کی نیلامی آج، لیگ میں ٹیموں کی تعداد 8 ہو جائے گی
Web Desk
8 January 2026
پاکستان سپر لیگ (پی ایس ایل) کی دو نئی ٹیموں کی نیلامی آج جناح کنونشن سینٹر اسلام آباد میں ہوگی۔ نیلامی کی تقریب شام 4 بج کر 15 منٹ پر شروع ہوگی جبکہ ٹیموں کی فروخت اوپن آکشن کے ذریعے کی جائے گی۔
ذرائع کے مطابق نیلامی کا آغاز ریزرو پرائس کے اعلان سے ہوگا، جس کا اعلان نیلامی سے قبل کیا جائے گا۔ نیلامی کا عمل دو مرحلوں پر مشتمل ہوگا اور بولی ریئل ٹائم میں لگائی جائے گی۔ سب سے زیادہ بولی دینے والا فریق فرنچائز کے ساتھ پہلے شہر کے انتخاب کا حق بھی حاصل کرے گا۔
کامیاب بولی دہندہ کو فرنچائز کے حقوق 10 سال کے لیے دیے جائیں گے جو 2035 تک مؤثر ہوں گے۔ فیصل آباد، گلگت، حیدرآباد، مظفرآباد، راولپنڈی اور سیالکوٹ ممکنہ فرنچائز شہر ہوں گے، جبکہ فہرست سے ہٹ کر شہر منتخب کرنے کی صورت میں اضافی فیس ادا کرنا ہوگی۔ پی سی بی ایک مرتبہ کی فیس کے طور پر 10 لاکھ امریکی ڈالر وصول کرے گا۔
پی ایس ایل کی دو نئی ٹیموں کے لیے 10 کمپنیوں کے درمیان مقابلہ ہوگا، جن میں ایم نیکسٹ، ڈہرکی شوگر ملز، ایف کے ایس، پرزم ڈیولپرز، انوریکس سولر، جاز، آئی ٹو سی، ولی ٹیکنالوجیز، ویگو ٹیل اور اوزی ڈویلپرز شامل ہیں۔
نئی ٹیموں کی شمولیت کے بعد پی ایس ایل سیزن 11 میں ٹیموں کی تعداد 6 سے بڑھ کر 8 ہو جائے گی۔ پی ایس ایل سیزن 11 کا آغاز 26 مارچ 2026 سے ہوگا جبکہ فائنل 3 مئی 2026 کو کھیلا جائے گا۔
نیلامی کی تقریب کے بعد راحت فتح علی خان خصوصی پرفارمنس پیش کریں گے، جبکہ پاکستان شاہینز اور ہانگ کانگ سپر سکسز کی فاتح ٹیموں کو انعامات سے نوازا جائے گا۔
متعلقہ عنوانات
ویمنز ایمرجنگ نیشز ٹرافی: پاکستان کی سکاٹ لینڈ کیخلاف شاندار کامیابی
22 November 2026
دورہ پاکستان کے اختتام پر سری لنکن کرکٹ ٹیم کے اعزاز میں عشائیہ
22 November 2026
وزارتِ خارجہ اور اسلام آباد چیمبر آف کامرس کے اشتراک سے گالف ٹورنامنٹ کا انعقاد
22 November 2026
سلطان اذلان شاہ ہاکی، پاکستان کی لگاتار دوسری فتح
22 November 2026
جوش ہیزل ووڈ نے پیٹ کمنز کو کپتانی سے ہٹانے پر ٹیم چھوڑنے کا عندیہ دے دیا
21 November 2026
سری لنکا کرکٹ ٹیم کے آل فارمیٹ دورہ پاکستان کے اختتام پر مہمان ٹیم کے اعزاز میں پُروقار عشائیہ
21 November 2026
پی سی بی نے نئے سینٹرل کنٹریکٹس کا اعلان کر دیا
21 November 2026
محمد عباس رواں سال ٹیسٹ کرکٹ میں سب سے زیادہ وکٹیں لینے والے بولر بن گئے
21 November 2026