27 سالہ ترکش فیشن انفلوئنسر کی پراسرار موت ہوگئی

استنبول: ترکیہ کی معروف فیشن انفلوئنسر اور سوشل میڈیا اسٹار عائشہ گل ایراسلان کی اچانک اور پراسرار موت نے ان کے لاکھوں مداحوں کو صدمے میں مبتلا کر دیا ہے۔ 27 سالہ عائشہ گل استنبول کے علاقے کاغیتھانے (Kağıthane) میں واقع اپنی رہائش گاہ پر بے ہوشی کی حالت میں پائی گئیں، جہاں ریسکیو ٹیموں نے پہنچ کر ان کی موت کی تصدیق کی۔

اہلخانہ کی جانب سے رابطہ نہ ہونے پر حکام کو مطلع کیا گیا، جس کے بعد پولیس اور پراسیکیوٹر نے جائے وقوعہ کا معائنہ کیا۔ ابتدائی تحقیقات کے مطابق عائشہ گل حال ہی میں بیرونِ ملک سفر سے واپس آئی تھیں۔ عمارت کی سکیورٹی فوٹیج میں ایک شخص، سونائے کُرتولوش کو ان کے گھر میں داخل ہوتے اور کچھ دیر بعد باہر نکلتے دیکھا گیا، تاہم پولیس نے پوچھ گچھ اور بیان ریکارڈ کرنے کے بعد اسے رہا کر دیا ہے۔

حکام نے تاحال کسی قسم کی بدفعلی (Foul Play) کی تصدیق نہیں کی ہے، لیکن کیس کو مشکوک قرار دیتے ہوئے لاش کو فرانزک جانچ کے لیے منتقل کر دیا گیا ہے۔ عائشہ گل نہ صرف سوشل میڈیا پر مقبول تھیں بلکہ وہ بڑے ترک فیشن شوز کا بھی حصہ رہ چکی تھیں۔ موت کی اصل وجہ فرانزک رپورٹ آنے کے بعد ہی واضح ہو سکے گی۔