جنگلاتی آگ سے آلودگی، ٹرمپ نے کینیڈا کو ٹیرف کی دھمکی دے دی

امریکی صدر ڈونلڈ ٹرمپ نے کینیڈا کی جنگلاتی آگ کے دھوئیں سے امریکا میں پیدا ہونے والی فضائی آلودگی پر کینیڈا کے خلاف سخت اقتصادی کارروائی کرتے ہوئے ٹیرف (محصولات) بڑھانے کی دھمکی دے دی ہے۔ کینیڈا اور شمالی مینیسوٹا کے جنگلات میں لگی شدید آگ کے باعث اٹھنے والے گھنے دھوئیں کے بادلوں نے امریکا کے بڑے حصوں کو لپیٹ میں لے رکھا ہے، جس کی وجہ سے پورے امریکا میں صحت کے لیے مضر ہوا کے معیار کے انتباہات (ایئر کوالٹی الرٹس) جاری کیے گئے ہیں۔ کینیڈا کے وائلڈ لینڈ فائر انفارمیشن سسٹم کے مطابق ملک میں اس وقت بھی 937 مقامات پر آگ سرگرم ہے، جن میں سے زیادہ تر قابو سے باہر ہیں۔ صدر ٹرمپ نے اپنے سوشل میڈیا پلیٹ فارم ‘ٹروتھ سوشل’ پر سخت ردعمل دیتے ہوئے کینیڈا کی حکومت پر جان بوجھ کر غفلت برتنے کا الزام عائد کیا اور کہا کہ یہ اب ایک سالانہ واقعہ بن چکا ہے جس سے امریکا کو اربوں ڈالر کا نقصان ہو رہا ہے، لہٰذا کینیڈا کو اس فضائی آلودگی اور لاگت کی قیمت لازمی طور پر اضافی ٹیرف کی صورت میں چکانی ہوگی۔