’اسپائیڈر مین 4‘ کا منفرد ٹریلر؟ ٹام ہالینڈ کا مداحوں کو سرپرائز

ہالی ووڈ اداکار ٹام ہالینڈ نے اپنی نئی فلم اسپائیڈرمین: برانڈ نیو ڈے کے ٹریلر کی ریلیز سے متعلق ایک منفرد اشارہ دے کر مداحوں کا تجسس بڑھا دیا ہے۔

اداکار نے سوشل میڈیا پلیٹ فارم انسٹاگرام پر جاری ویڈیو پیغام میں بتایا کہ وہ اور فلم کی ٹیم ٹریلر کی رونمائی کے لیے کچھ نیا اور منفرد کرنے جا رہے ہیں۔ٹام ہالینڈ کا کہنا تھا کہ شائقین کی محبت اور سپورٹ ہی اس سیریز کی کامیابی کی اصل وجہ ہے، اسی لیے وہ اس بار مداحوں کے لیے کچھ خاص کرنے کا ارادہ رکھتے ہیں۔انہوں نے بتایا کہ ٹریلر کو نیویارک سٹی میں مداحوں کے ساتھ مل کر جاری کیا جائے گا، جس کا مقصد شائقین کو ایک منفرد تجربہ فراہم کرنا اور انہیں قریب لانا ہے۔اداکار کے اس اعلان کے بعد سوشل میڈیا پر مداحوں میں جوش و خروش بڑھ گیا ہے، جہاں کئی صارفین نے اسے ٹریلر ریلیز کا نیا اور دلچسپ طریقہ قرار دیا، جبکہ کچھ نے پیشگوئی کی کہ یہ انٹرنیٹ پر تہلکہ مچا دے گا۔

واضح رہے کہ فلم کی ہدایتکاری ڈسٹن ڈینئل کریٹن نے کی ہے اور یہ فلم 31 جولائی کو سینما گھروں کی زینت بنے گی۔