LIVE TV
Watch Now
Gold:
Intl: /g (22K) PK: /g (22K)
Stocks:
NY: ▲ ▼
China: ▲ ▼
Pakistan: ▲ ▼
India: ▲ ▼
TV ONE Logo
اہم خبریں
مکہ معاہدے کے تحت سعودی عرب کا دفاع ترجیح ہے، حاقان فیدان مولانا فضل الرحمان جہاں غلط ہوں گے وہاں کہا جائےگا: گورنر خیبر پختوںخوا خیبر پختونخوا کے ترقیاتی پیکیج کے 10 ارب روپے جاری ہونا خوش آئند: ثمر بلور پاکستان تحریک انصاف نے ایڈووکیٹ نیاز اللہ خان نیازی کو پارٹی کی سیاسی کمیٹی میں بھی شامل کر لیا پاکستان اورعمان کے درمیان پٹرولیم مصنوعات کی خرید و فروخت کا اہم معاہدہ طے پا گیا مخصوص طبقہ ملک پرمسلط، اِن سےجان چھڑانی ہوگی: حافظ نعیم الرحمٰن 12 مئی دوبارہ نہیں ہونے دیں گے، مذاکرات ہی مسائل کا حل ہیں، میئر کراچی ایک وزیر آجکل مجھ پر تبصرے کر رہا ہے، جواب دیا تو منہ چھپانےکے قابل نہیں رہےگا: محسن نقوی استنبول: ساتویں عالمی ویمن سمٹ، اعظم نذیر تارڑ کی قیادت میں پاکستانی وفد کی شرکت پاکستان 23 سے 26 نومبر تک اسلام آباد میں نیوکلیئر سیکیورٹی نیٹ ورک کے 15ویں سالانہ اجلاس کی میزبانی کرے گا پاکستان تحریک انصاف خیبر پختونخوا کے اراکینِ قومی اسمبلی کا اسلام آباد میں اہم اجلاس نئے صوبوں کا قیام ملک کی ترقی اور سلامتی کیلئے ناگزیر ہے: مصطفیٰ کمال محسن نقوی کا نادرا سنٹر پیکو روڈ کا دورہ، مسائل کے حل کیلیے موقع پر ہی احکامات جاری سرکاری قرضوں میں ایک سال کے دوران 6 ہزار 200 ارب روپے کا بھاری اضافہ ایران اور روس کے درمیان جوہری تعاون جاری رہے گا: روسی عہدیدار

فجر کی نماز کے وقت مرحومہ والدہ کے لیے دھن ملی، آئمہ بیگ

Web Desk

20 December 2025

پاکستانی معروف اور باصلاحیت گلوکارہ آئمہ بیگ کا کہنا تھا کہ انہیں فجر کی نماز کے وقت اپنی مرحومہ والدہ کے لیے ایک دھن نصیب ہوئی۔

شوبز انڈسٹری سے منسلک گلوکارہ آئمہ بیگ نے حال ہی میں ایک انٹرویو کے دوران اپنی زندگی کے ایک نہایت جذباتی اور روحانی تجربے کا انکشاف کیا،اداکارہ کا کہنا تھا کہ یہ ان کیلئے ایک خاص لمحہ تھا۔

آئمہ بیگ سوشل میڈیا پر بھی خاصی مقبول ہیں اور انسٹاگرام پر ان کے فالوورز کی تعداد 65 لاکھ سے زائد ہے، انہوں نے اپنے کیریئر کا آغاز ایک معروف ٹی وی شو سے کیا جس کے بعد وہ بطور پلے بیک سنگر بے پناہ شہرت حاصل کرنے میں کامیاب ہوئیں، آئمہ بیگ جلد ہی اپنا ڈیبیو میوزک البم بھی ریلیز کرنے جا رہی ہیں۔

ان کے مشہور گانوں میں قلاباز دل، بے فکریاں، بالما بھگورا، بازی اور مست ملنگ شامل ہیں جبکہ انہوں نے ڈرامہ جا تجھے معاف کیا سمیت کئی مقبول ڈراموں کے او ایس ٹیز بھی گائے ہیں، کم عمری میں کامیابی حاصل کرنے کے باوجود آئمہ بیگ کو اپنے مختصر کیریئر میں ذاتی زندگی سے جڑے بعض تنازعات کا بھی سامنا رہا ہے۔

انٹرویو میں آئمہ بیگ نے بتایا کہ فجر کی نماز ادا کرنے کے بعد وہ شدید جذباتی کیفیت میں تھیں اور اپنی والدہ کو یاد کرتے ہوئے خود کو بہت کمزور محسوس کر رہی تھیں۔ وہ اپنی والدہ کی چند چیزیں دیکھ رہی تھیں اور دل چاہ رہا تھا کہ کاش وہ انہیں گلے لگا سکیں، فجر کے بعد انہوں نے سونے کی کوشش کی مگر آنکھوں سے آنسو مسلسل بہتے رہے۔

گلوکارہ نے مزید بتایا کہ جب بھی انہیں کوئی دھن یا خیال آتا ہے تو وہ فوراً اسے ریکارڈ کر لیتی ہیں، چاہے آواز مکمل نہ بھی ہو، صبح تقریباً 6 بجے ان کے ذہن میں اپنی والدہ کے لیے چند بول اور ایک دھن آئی جسے انہوں نے فوری طور پر ریکارڈ کر لیا تاہم فی الحال وہ اس کے بول ظاہر نہیں کر سکتیں۔

آئمہ بیگ نے بتایا کہ جب انہوں نے میڈیا انڈسٹری میں قدم رکھا تو اسی دوران ان کی والدہ بیمار ہو گئیں، وہ زیادہ تر کام میں مصروف رہتی تھیں اور اپنی والدہ کے ساتھ زیادہ وقت نہ گزار سکیں، والدہ ہی انہیں شوز پر بھیجا کرتی تھیں، مگر وہی ان کی زندگی کے آخری دن تھے جو آج بھی ان کے دل میں ایک گہرا درد چھوڑ گئے ہیں۔