رجب بٹ اور ندیم مبارک کی درخواست پر عدالت کا سیکرٹری داخلہ کو نوٹس

اسلام آباد ہائیکورٹ نے ٹک ٹاکر ندیم مبارک عرف نانی والا اور رجب بٹ کی جانب سے پاسپورٹ کنٹرول لسٹ (PCL) سے نام نکالنے کی درخواستوں پر سیکرٹری داخلہ، ایف آئی اے، ڈی جی امیگریشن اور ڈی جی پاسپورٹ کو نوٹس جاری کر دیے ہیں۔

اسلام آباد ہائیکورٹ میں درخواستوں کی سماعت جسٹس محمد اعظم خان نے کی۔ درخواست گزاروں کی جانب سے بیرسٹر راجہ قدیر جنجوعہ اور احد کھوکھر ایڈووکیٹ عدالت میں پیش ہوئے۔

درخواست گزاروں نے مؤقف اختیار کیا کہ ان کے نام سفری پابندی کی فہرست میں شامل کرنا غیر قانونی ہے، لہٰذا عدالت سے استدعا کی گئی کہ ان کے نام پاسپورٹ کنٹرول لسٹ سے نکالے جائیں۔

عدالت نے فریقین کو نوٹس جاری کرتے ہوئے جواب طلب کر لیا اور کیس کی مزید سماعت اگلے ہفتے تک ملتوی کر دی۔