جولائی تا ستمبر: ٹک ٹاک نے پاکستان کی 2 کروڑ 81 لاکھ سے زائد ویڈیوز ڈیلیٹ کر دیں

سوشل میڈیا پلیٹ فارم ٹک ٹاک نے رواں مالی سال 2025–26 کی تیسری سہ ماہی (جولائی تا ستمبر) کے لیے کمیونٹی گائیڈ لائنز انفورسمنٹ رپورٹ جاری کر دی ہے، جس میں پاکستان میں حذف کی جانے والی ویڈیوز کی بڑی تعداد سامنے آئی ہے۔

رپورٹ کے مطابق اس عرصے میں پاکستان میں کمیونٹی گائیڈ لائنز کی خلاف ورزی پر مجموعی طور پر 2 کروڑ 81 لاکھ 98 ہزار 284 ویڈیوز ڈیلیٹ کی گئیں۔ ان میں سے 99.8 فیصد ویڈیوز پیشگی طور پر شناخت کر کے ہٹائی گئیں، جبکہ 95.9 فیصد ویڈیوز اپ لوڈ ہونے کے 24 گھنٹوں کے اندر حذف کر دی گئیں۔

ٹک ٹاک کا کہنا ہے کہ جدید ٹیکنالوجی زیادہ تر نگرانی کا کام انجام دے رہی ہے، جبکہ انسانی ٹیمیں اپیلوں، ماہرین سے مشاورت اور بدلتی صورتحال پر فوری ردعمل جیسے معاملات دیکھتی ہیں۔

عالمی سطح پر اسی سہ ماہی کے دوران ٹک ٹاک نے دنیا بھر میں 20 کروڑ 40 لاکھ ویڈیوز حذف کیں، جو مجموعی اپ لوڈ ہونے والے کانٹنٹ کا تقریباً 0.7 فیصد بنتا ہے۔