ٹک ٹاک نے پاکستانیوں کی 2 کروڑ سے زائد ویڈیوز ڈیلیٹ کر دیں

ٹک ٹاک کی رپورٹ کے مطابق مالی سال 2025-26 کی تیسری سہ ماہی (جولائی تا ستمبر) میں کمیونٹی گائیڈ لائنز کی خلاف ورزی کرنے والے مواد کی نشاندہی اور حذف کے اقدامات کیے گئے، تاکہ پلیٹ فارم پر صارفین کے لیے محفوظ اور بہتر تجربہ فراہم کیا جا سکے۔

پاکستان میں حذف شدہ ویڈیوز میں سے 99.8 فیصد خودکار نظام کے ذریعے شناخت کی گئی تھیں، اور 95.9 فیصد ویڈیوز اپ لوڈ کے 24 گھنٹوں کے اندر ہٹا دی گئیں۔ عالمی سطح پر اسی سہ ماہی میں ٹک ٹاک نے مجموعی طور پر 20 کروڑ 40 لاکھ ویڈیوز حذف کیں، جن میں سے 18 کروڑ 66 لاکھ 8 ہزار 81 ویڈیوز خودکار نظام کے ذریعے نشاندہی کی گئی تھیں۔

ٹک ٹاک نے اس دوران 11 کروڑ 86 لاکھ 18 ہزار 399 جعلی اکاؤنٹس اور 2 کروڑ 22 لاکھ 26 ہزار 542 ایسے اکاؤنٹس بھی حذف کیے جن کے بارے میں شبہ تھا کہ وہ 13 سال سے کم عمر صارفین کے ہیں۔

حذف شدہ ویڈیوز میں سے 30 فیصد حساس یا بالغ مواد، 15.7 فیصد پلیٹ فارم کی شائستگی کی خلاف ورزی، 2.7 فیصد رازداری کی خلاف ورزی، 32.9 فیصد غلط معلومات اور 34.4 فیصد ترمیم شدہ یا AI سے تیار شدہ مواد کے طور پر نشاندہی کی گئی۔

ٹک ٹاک کے مطابق کمیونٹی گائیڈ لائنز کی یہ نگرانی صارفین کے لیے شفاف اور محفوظ ڈیجیٹل ماحول فراہم کرنے کے لیے پلیٹ فارم کی سنجیدہ کوششوں کا حصہ ہے۔