تھریڈز صارفین کی تعداد میں اضافہ ، ایکس کو بھی پیچھے چھوڑ دیا

میٹا کی ایپ تھریڈز نے ایلون مسک کے زیرملکیت سوشل میڈیا پلیٹ فارم ایکس (ٹوئٹر) کو موبائل ڈیوائسز پر پیچھے چھوڑ دیا ہے۔ رپورٹ کے مطابق جنوری 2026 میں تھریڈز کو آئی او ایس اور اینڈرائیڈ پر روزانہ 14 کروڑ 15 لاکھ صارفین استعمال کر رہے ہیں، جبکہ ایکس کے موبائل صارفین کی تعداد ساڑھے 12 کروڑ ہے۔

تھریڈز کی روزانہ صارفین کی تعداد میں گزشتہ ایک سال کے دوران مستحکم اضافہ ہوا ہے، جبکہ ایکس کے موبائل صارفین کی تعداد میں بتدریج کمی آ رہی ہے۔ ویب ورژن میں ایکس کو ابھی بھی برتری حاصل ہے، جہاں روزانہ ساڑھے 14 کروڑ افراد ویب پر وزٹ کرتے ہیں۔