فلسطینی بچی ہند رجب کی زندگی کے آخری لمحات پر بنی فلم آسکر کے لیے نامزد

فلم ’دی وائس آف ہند رجب‘ کو بہترین بین الاقوامی فلم کی کیٹگری میں آسکر کے لیے نامزد کر دیا گیا ہے۔ عرب نیوز کے مطابق یہ فلم غزہ میں اسرائیلی فائرنگ کے دوران پھنس جانے والی فلسطینی بچی ہند رجب کی کہانی پر مبنی ہے۔

فلم کے ہدایتکار کاوتر بن ہانیا ہیں، جبکہ سعودی عرب کے ریڈ سی فنڈ نے اس کے پروڈکشن میں تعاون کیا۔ فلم کی کہانی ہند رجب اور اس کے چھ رشتہ داروں کے اسرائیلی فوج سے فرار کی کوشش اور ان کے آخری لمحوں پر مرکوز ہے۔

اس فلم کے ایگزیکٹو پروڈیوسرز میں جواکین فینکس، بریڈ پٹ، جوناتھن گلیزر اور الفونسو کورون جیسے نام شامل ہیں۔ آسکر نامزدگی کے اعلان پر ریڈ سی فلم فاؤنڈیشن نے انسٹاگرام پر خوشی کا اظہار کرتے ہوئے کہا کہ یہ نامزدگی فلم کی تخلیقی محنت اور وژن کی مضبوطی کی عکاسی کرتی ہے۔

فلم ستمبر 2025 میں وینس انٹرنیشنل فلم فیسٹیول میں پیش کی گئی تھی اور اسے سلور لائن گرینڈ جیوری پرائز بھی ملا، جو فیسٹیول کا دوسرا سب سے بڑا اعزاز ہے۔