ٹینس کھیلنے والا روبوٹ جو اس کھیل کا مستقبل بدل کر رکھ دے گا

روبوٹس مختلف شعبوں میں بتدریج اپنی جگہ بنا رہے ہیں، مگر کھیلوں میں وہ اب بھی انسانوں کا مقابلہ نہیں کر سکتے۔

تاہم اب ایسا لگتا ہے کہ مستقبل میں Wimbledon میں نمبر ون سیڈ کھلاڑی کا سامنا ایک فورتھ سیڈ روبوٹ سے ہوسکتا ہے۔چینی کمپنی GALBOT کے ماہرین نے ایک روبوٹ کو ٹینس کھیلنے کے قابل بنا دیا ہے۔ اس کے لیے انہوں نے Uni Tree کے روبوٹ کو لیا اور اسے انسانی حرکات کے طریقے سکھا کر ایک انسان کے ساتھ مقابلے کے لیے تیار کیا۔محققین نے بتایا کہ طویل اور سخت ٹریننگ دینے کے بجائے روبوٹ کو انسانی حرکات کو سمجھنے کی تربیت دی گئی تاکہ وہ ٹینس کھیلنے کے لیے ضروری صلاحیتوں کو اپنانے کے قابل ہو جائے۔یونی ٹری جی 1 نامی روبوٹ نے اپنے پہلے مقابلے کے دوران گیند کو متعدد انداز میں واپس ہٹایا، اور سائنسدانوں نے کہا کہ نتائج حیران کن رہے، کیونکہ روبوٹ حقیقی دنیا میں انسان کے ساتھ ٹینس کھیلنے میں کامیاب ہوگیا۔