‘شیطان مرگیا’، نانا پاٹیکر پر جنسی ہراسانی کا مقدمہ کرنیوالی تنوشری دتہ کا اداکار کی موت پر ردعمل

آنجہانی سینئر بھارتی اداکار نانا پاٹیکر پر جنسی ہراسانی کے الزامات عائد کرنے والی سابقہ اداکارہ و ماڈل تنوشری دتہ نے ان کے ناگہانی انتقال پر شدید ردِعمل دیتے ہوئے اسے “شیطان کا خاتمہ” قرار دیا ہے۔ اداکارہ نے کہا کہ ان کے لیے یہ واقعہ ایک ایسے شخص کے وجود کا خاتمہ ہے جو مسلسل اذیت کا باعث بنا ہوا تھا۔

انڈین میڈیا سے گفتگو اور سوشل میڈیا پر اپنے خیالات کا اظہار کرتے ہوئے تنوشری دتہ نے کہا کہ نانا پاٹیکر کی موت کی خبر سننے کے باوجود وہ فی الوقت لکھنؤ میں اپنی پیشہ ورانہ مصروفیات پر توجہ مرکوز رکھنا چاہتی ہیں۔ انہوں نے کہا کہ اگر کوئی ان کے زاویے سے دیکھے تو یہ ایک “شیطان کی موت” ہے کیونکہ وہ شخص رکنے کا نام نہیں لے رہا تھا اور گزشتہ 5 سالوں سے ان کا جینا دو بھر کر رکھا تھا۔ انہوں نے انکشاف کیا کہ ‘می ٹو’ (#MeToo) مہم کے بعد انہیں مسلسل شدید ذہنی اذیت کا نشانہ بنایا گیا اور یہاں تک کہ ان کی گاڑی کے بریکس فیل کروانے جیسی سازشیں بھی کی گئیں۔ تاہم، اداکارہ نے کہا کہ وہ فی الوقت سنجیدہ میڈیا ردِعمل دینے کے لیے مناسب وقت کا انتظار کریں گی اور فی الحال وہ آنجہانی کے لواحقین سے تعزیت کرتی ہیں۔