بھارتی اداکارہ کا لرزہ خیز قتل، جسم کے ٹکڑے اور سر لاپتہ ہونے کی خبر وائرل، حقیقت کیا ہے؟

بھارتی ریاست تامل ناڈو کے دارالحکومت چنئی میں ایک ابھرتی ہوئی تامل اداکارہ کے بے رحمانہ اور لرزہ خیز قتل نے بھارتی و بین الاقوامی میڈیا اور سوشل میڈیا پر شدید سنسنی پھیلا دی ہے۔ گزشتہ روز سے وائرل ہونے والی رپورٹوں کے مطابق 37 سالہ تامل اداکارہ سندھیہ کی مسخ شدہ لاش شہر کے مختلف علاقوں میں کچرے کے ڈھیر سے برآمد ہوئی۔ واقعہ اس وقت سامنے آیا جب مقامی شہریوں نے کچرے کے پاس پڑے ایک پلاسٹک کے تھیلے سے انسانی انگلیاں باہر نکلی دیکھ کر پولیس کو اطلاع دی۔ پولیس کے مطابق جب تھیلا کھولا گیا تو اس میں سے انسانی ہاتھ اور ٹانگیں برآمد ہوئیں، جبکہ بعد ازاں کارروائی کے دوران شہر کے دیگر مقامات پر پڑے تھیلوں سے بھی جسم کے باقی حصے اور ہڈیاں برآمد ہوئیں۔ تحقیقات میں انکشاف ہوا کہ مقتولہ کو قتل کرنے کے بعد تیز دھار آلے سے اس کی لاش کو کئی ٹکڑوں میں تقسیم کر کے الگ الگ جگہوں پر پھینک دیا گیا تھا، جس پر پولیس نے سفاک ملزمان کی گرفتاری کے لیے تفتیش کا دائرہ وسیع کر دیا ہے۔