ریپر طلحہ انجم نے اپنی منگنی کا اعلان کر دیا

معروف پاکستانی ریپر طلحہ انجم نے زوئیہ کریم کے ساتھ اپنی منگنی کا باقاعدہ اعلان کر دیا ہے۔ منگنی کی تقریب کراچی میں سادگی مگر خوشگوار انداز میں منعقد کی گئی، جس میں دونوں خاندانوں کے قریبی رشتہ داروں اور دوستوں نے شرکت کی۔

تقریب کے دوران روایتی رسومات ادا کی گئیں اور خوشیوں سے بھرپور لمحات دیکھنے کو ملے۔ اس موقع پر جوڑے نے اس خاص دن کو اپنے پیاروں کے ساتھ شیئر کیا اور سادہ مگر پُروقار انداز اپنایا۔

منگنی کی خبر سامنے آتے ہی سوشل میڈیا پر مداحوں کی جانب سے مبارکبادوں کا سلسلہ شروع ہو گیا۔ فینز نے نیک تمناؤں اور دعاؤں کے پیغامات کے ذریعے اپنی خوشی کا اظہار کیا۔

طلحہ انجم نے بھی دونوں خاندانوں اور دوستوں کی جانب سے ملنے والی محبت اور دعاؤں پر شکریہ ادا کیا اور مداحوں کی حمایت کو اپنی خوش قسمتی قرار دیا۔