تابش ہاشمی کا بھارت سے شکست پر قومی ٹیم کو ٹرول کرنے کا دلچسپ انداز وائرل

پاکستان کے معروف میزبان و کامیڈین تابش ہاشمی نے ٹی ٹوئنٹی ورلڈکپ میں بھارت کے ہاتھوں پاکستانی ٹیم کی شکست پر انہیں انوکھے انداز میں ٹرول کیا۔

نجی ٹی وی کے پروگرام میں تابش ہاشمی نے قومی کھلاڑیوں پر دلچسپ انداز میں تنقید کی اور بھارتی ٹیم اور کرکٹ بورڈ کو بھی آڑے ہاتھوں لیا۔ سوشل میڈیا پر وائرل کلپ میں انہوں نے کہا: ’خبر وہ ہوتی ہے جو ان ہونی ہو، جو ہر بار ہوتی ہے وہ خبر نہیں کہلاتی، اور آج بھی ایسا ہی ایک دن تھا۔‘

انہوں نے محمد عامر، راشد لطیف اور احمد شہزاد کی کارکردگی پر تبصرہ کرتے ہوئے کہا کہ وہ جو کہہ رہے تھے، ویسا ہی ہوا کہ امریکا نے نمبیا کو شکست دی، اور پاکستان نے بھارت کے خلاف میچ میں ناکامی کے باوجود مزاحیہ ردعمل دیا۔

پروگرام کے دوران تابش ہاشمی نے بھارتی کرکٹ ٹیم اور بورڈ کو مخاطب کرتے ہوئے کہا کہ ’آپ کو لگتا ہوگا کہ ہمیں شکست کا کوئی غم ہے، لیکن یہ آپ کی بھول ہے، ہمیں اب عادت ہوگئی ہے۔‘

مزید براں، انہوں نے شاہین شاہ آفریدی، بابراعظم اور شاداب خان کی ناقص کارکردگی پر بھی طنز کیا، جس پر موجود افراد نے تالیاں بجائیں اور پروگرام سوشل میڈیا پر وائرل ہو گیا۔