بھارتی اداکارہ تاپسی پنوں نے انکشاف کیا ہے کہ ایکشن تھرلر فلم ’الفا‘ کے فلاپ ہونے پر کئی فلموں سے محروم ہونا پڑا۔

بھارتی اداکارہ تاپسی پنوں نے انکشاف کیا ہے کہ بڑے بجٹ کی خاتون مرکزی کردار پر مبنی (خواتین پر مبنی) ایکشن فلموں کا باکس آفس پر فلاپ ہونا پوری انڈسٹری کے لیے نقصان دہ ثابت ہوتا ہے اور اس کے اثرات دیگر اداکاراؤں کے پراجیکٹس پر بھی پڑتے ہیں۔ بھارتی میڈیا رپورٹس کے مطابق زوم ٹی وی کو دیے گئے ایک انٹرویو میں تاپسی نے فلم ‘الفا’ کی ناکامی کا حوالہ دیتے ہوئے کہا کہ جب کسی خاتون اداکار کی ایکشن فلم میں بڑا سرمایہ لگایا جائے اور وہ نہ چلے، تو انویسٹرز کا اعتماد ڈگمگا جاتا ہے اور وہ دیگر وومن اورینٹڈ پروجیکٹس سے پیچھے ہٹ جاتے ہیں، جس کا سامنا وہ خود بھی کر چکی ہیں۔

تاپسی پنوں کا کہنا تھا کہ شوبز انڈسٹری میں مردوں اور عورتوں کی فلموں کی کامیابی کو ماپنے کا معیار بالکل مختلف ہے۔ اگر کسی میل ہیرو کی بڑے بجٹ کی ایکشن فلم ہو اور اس کی کہانی اوسط درجے کی (15 یا 20) بھی ہو، تب بھی اسے رعایت مل جاتی ہے اور وہ باکس آفس پر چل جاتی ہے۔ اس کے برعکس خواتین کی ایکشن فلموں کے لیے غلطی کی کوئی گنجائش نہیں ہوتی اور انہیں ہر حال میں غیر معمولی یا 21 نمبر کی کارکردگی دکھانی پڑتی ہے، کیونکہ وہاں رسک کا مارجن مائنس میں ہوتا ہے۔ واضح رہے کہ وائی آر ایف (YRF) کے اسپائی یونیورس کی خواتین پر مبنی پہلی ایکشن فلم ‘الفا’ شائقین کی توقعات پر پورا نہیں اتر سکی تھی