چولستان ریلی میں جدید ترین نیویگیشن سسٹم کامیابی سے لانچ

سپارکو نے چولستان جیپ ریلی کے موقع پر جدید پاک ایس بی اے ایس (SBAS) نیویگیشن سسٹم کامیابی سے لانچ کر دیا، جسے ملکی نیویگیشن ٹیکنالوجی میں اہم پیش رفت قرار دیا جا رہا ہے۔

سپارکو کے ترجمان کے مطابق اس جدید نظام نے صحرائی علاقے میں اعلیٰ درستی (Accuracy) اور مضبوط سگنل پائیداری کا مظاہرہ کیا۔ ریلی کے دوران ڈرائیورز کو راستوں کی درست ٹریکنگ اور پوزیشننگ میں غیر معمولی سہولت حاصل ہوئی، جس سے مقابلے کی شفافیت اور حفاظت میں اضافہ ہوا۔

اہم خصوصیات اور فوائد

• پاک ایس بی اے ایس سسٹم قدرتی آفات کے دوران ریسکیو اور امدادی سرگرمیوں میں مؤثر معاون ثابت ہوگا۔

• ٹرانسپورٹ اور ہوا بازی کے شعبوں میں محفوظ اور مؤثر نیویگیشن کو یقینی بنائے گا۔

• سروے اور نقشہ سازی کے عمل میں پوزیشننگ کی غلطیوں اور لاگت میں نمایاں کمی آئے گی۔

• جدید نظام عوامی تحفظ اور ملکی تکنیکی خودانحصاری کو مزید مضبوط کرے گا۔

ماہرین کے مطابق یہ اقدام پاکستان میں سیٹلائٹ بیسڈ نیویگیشن ٹیکنالوجی کے فروغ اور خطے میں مسابقتی صلاحیت بڑھانے کی جانب ایک اہم سنگِ میل ہے۔