LIVE TV
Watch Now
Gold:
Intl: /g (22K) PK: /g (22K)
Stocks:
NY: ▲ ▼
China: ▲ ▼
Pakistan: ▲ ▼
India: ▲ ▼
TV ONE Logo
اہم خبریں
مکہ معاہدے کے تحت سعودی عرب کا دفاع ترجیح ہے، حاقان فیدان مولانا فضل الرحمان جہاں غلط ہوں گے وہاں کہا جائےگا: گورنر خیبر پختوںخوا خیبر پختونخوا کے ترقیاتی پیکیج کے 10 ارب روپے جاری ہونا خوش آئند: ثمر بلور پاکستان تحریک انصاف نے ایڈووکیٹ نیاز اللہ خان نیازی کو پارٹی کی سیاسی کمیٹی میں بھی شامل کر لیا پاکستان اورعمان کے درمیان پٹرولیم مصنوعات کی خرید و فروخت کا اہم معاہدہ طے پا گیا مخصوص طبقہ ملک پرمسلط، اِن سےجان چھڑانی ہوگی: حافظ نعیم الرحمٰن 12 مئی دوبارہ نہیں ہونے دیں گے، مذاکرات ہی مسائل کا حل ہیں، میئر کراچی ایک وزیر آجکل مجھ پر تبصرے کر رہا ہے، جواب دیا تو منہ چھپانےکے قابل نہیں رہےگا: محسن نقوی استنبول: ساتویں عالمی ویمن سمٹ، اعظم نذیر تارڑ کی قیادت میں پاکستانی وفد کی شرکت پاکستان 23 سے 26 نومبر تک اسلام آباد میں نیوکلیئر سیکیورٹی نیٹ ورک کے 15ویں سالانہ اجلاس کی میزبانی کرے گا پاکستان تحریک انصاف خیبر پختونخوا کے اراکینِ قومی اسمبلی کا اسلام آباد میں اہم اجلاس نئے صوبوں کا قیام ملک کی ترقی اور سلامتی کیلئے ناگزیر ہے: مصطفیٰ کمال محسن نقوی کا نادرا سنٹر پیکو روڈ کا دورہ، مسائل کے حل کیلیے موقع پر ہی احکامات جاری سرکاری قرضوں میں ایک سال کے دوران 6 ہزار 200 ارب روپے کا بھاری اضافہ ایران اور روس کے درمیان جوہری تعاون جاری رہے گا: روسی عہدیدار

98 فیصد مرد دوستوں کے سامنے اپنی بیوی کا مذاق اُڑاتے ہیں: سنیتا مارشل

Web Desk

15 September 2026

معروف پاکستانی اداکارہ و ماڈل سنیتا مارشل نے معاشرے میں مردوں کی جانب سے اپنی بیویوں کے ساتھ روا رکھے جانے والے نامناسب اور تحقیر آمیز رویے پر شدید تشویش کا اظہار کیا ہے۔ ایک حالیہ انٹرویو میں بات کرتے ہوئے سنیتا مارشل نے دعویٰ کیا کہ دیسی کلچر میں تقریباً 98 فیصد مرد دوستوں اور محفلوں میں بیٹھ کر اپنی بیویوں کا مذاق اڑاتے ہیں، جبکہ مغربی معاشرے میں ایسی روایت دیکھنے کو نہیں ملتی۔ انہوں نے کہا کہ اگر کوئی بیوی محفل میں شوہر کو کوئی مشورہ دے دے تو اسے فوراً سب کے سامنے ‘بیوقوفانہ مشورہ’ کہہ کر ڈانٹ دیا جاتا ہے، حالانکہ وہی بات بعد میں تنہائی میں بھی طریقے سے سمجھائی جا سکتی تھی۔

اداکارہ نے مردانہ ذہنیت کی نشاندہی کرتے ہوئے کہا کہ ہمارے معاشرے میں لڑکوں کی پرورش ہی اس طرح کی جاتی ہے کہ وہ بیویوں کو اپنے سے کم تر سمجھتے ہیں۔ انہوں نے مثال دیتے ہوئے کہا کہ ہمارے ہاں بیویاں عام طور پر شوہروں کو ‘آپ’ کہہ کر مخاطب کرتی ہیں لیکن شوہر انہیں ‘تم’ کہتے ہیں کیونکہ ان کے نزدیک بیوی ان سے درجے میں چھوٹی ہے اور اسی سوچ کے تحت وہ اس کا مذاق اڑانا اپنا حق سمجھتے ہیں۔ سنیتا مارشل کا یہ بیان سوشل میڈیا پر تیزی سے وائرل ہو رہا ہے اور بڑی تعداد میں صارفین ان کی باتوں سے اتفاق کرتے ہوئے دیسی معاشرتی رویوں پر اپنے خیالات کا اظہار کر رہے ہیں۔