سکیش چندر شیکھر کا نورا فتحی کے نام خط سامنے آگیا، سنگین دھمکیوں کا دعویٰ

200 کروڑ روپے کے مبینہ منی لانڈرنگ کیس میں جیل میں قید بھارتی ملزم سکیش چندرشیکھر کا اداکارہ و ڈانسر نورا فتحی کے نام ہاتھ سے لکھا گیا ایک خط منظرِ عام پر آ گیا ہے۔ خط میں سکیش نے دعویٰ کیا ہے کہ نورا فتحی اس کے اثر و رسوخ سے واقف تھیں اور انہوں نے مراکش میں گھر خریدنے کے لیے کروڑوں روپے کے علاوہ کئی قیمتی تحائف بھی لیے۔ سکیش نے مزید الزام لگایا کہ نورا فتحی بالی ووڈ اداکارہ جیکولین فرنینڈس کے ساتھ اس کے تعلقات پر حسد کرتی تھیں اور رابطہ ختم کرنے کا دباؤ ڈالتی تھیں۔ ملزم نے نورا فتحی کو متنبہ کیا ہے کہ اگر انہیں مزید اشتعال دلایا گیا تو وہ مبینہ چیٹس اور ثبوت منظر عام پر لے آئے گا، جبکہ دوسری جانب نورا فتحی نے ان تمام الزامات کی سخت تردید کرتے ہوئے خود کو اس معاملے میں بے قصور اور متاثرہ فریق قرار دیا ہے۔