سپیس ایکس نے رواں سال اپنا 100 واں آربیٹل مشن لانچ کر دیا

امریکی خلائی تحقیقاتی کمپنی سپیس ایکس نے رواں سال کا اپنا 100 واں آربیٹل مشن کامیابی سے لانچ کر کے نیا سنگِ میل حاصل کر لیا ہے۔ کیلیفورنیا میں قائم وینڈن برگ سپیس فورس بیس کے سپیس لانچ کمپلیکس سے ‘فیلکن 9’ راکٹ نے پرواز بھری اور 29 نئے سٹارلنک سیٹلائٹس کو زمین کے نچلے مدار میں منتقل کر دیا۔ اس کامیابی کے بعد خلائی مدار میں فعال سٹارلنک سیٹلائٹس کی مجموعی تعداد 11 ہزار سے تجاوز کر گئی ہے۔ مشن کے دوران استعمال ہونے والا فیلکن 9 کا بی 1100 بوسٹر، جس کی یہ نویں پرواز تھی، اڑان کے تقریباً ساڑھے 8 منٹ بعد بحرالکاہل میں موجود سپیس ایکس کے ڈرون شپ پر محفوظ طریقے سے واپس اتر گیا۔ یہ فیلکن بوسٹرز کی مجموعی طور پر 653 ویں کامیاب لینڈنگ ریکارڈ کی گئی ہے۔