شگفتہ اعجاز کی فیسٹیو لک پر سوشل میڈیا صارفین کی شدید تنقید

پاکستان کی شوبز انڈسٹری کی سینئر اداکارہ شگفتہ اعجاز اس وقت برطانیہ میں اپنے بچوں کے ساتھ چھٹیاں گزار رہی ہیں، تاہم حال ہی میں ان کی انسٹاگرام پر شیئر کی گئی ایک فیسٹیو ویڈیو نے سوشل میڈیا صارفین کی تنقید کا مرکز بن گئی۔

ویڈیو میں شگفتہ اعجاز نفیس فرنٹ اوپن انارکلی اسٹائل لباس میں جلوہ گر ہیں، جس پر سلور ایمبرائیڈری اور باریک سیکوئن ورک نمایاں ہے۔ لباس کے ساتھ میچنگ ڈوپٹہ اور جیولری نے ان کے انداز کو مزید نکھارا۔

سوشل میڈیا صارفین نے حیرت کا اظہار کیا کہ اداکارہ نے اپنے بھائی کے انتقال کے چند ماہ بعد اس نوعیت کی ویڈیو کیوں شیئر کی۔ کئی صارفین نے عمر کا حوالہ دیتے ہوئے کہا کہ بطور سینئر شہری انہیں اپنی عمر کے مطابق رویہ اختیار کرنا چاہیے، جبکہ بعض نے کہا کہ انہیں روحانی سرگرمیوں، جیسے عمرہ کرنے پر توجہ دینی چاہیے۔