سدھارتھ ملہوترا کے والدانتقال کر گئے، اداکار کا جذباتی پیغام

بالی ووڈ کے معروف اداکار سدھارتھ ملہوترا کے والد سنیل ملہوترا 14 فروری کو دہلی میں انتقال کر گئے۔ سنیل ملہوترا طویل عرصے سے علیل تھے اور کافی عرصے سے بیماری میں مبتلا تھے۔ اداکار نے اپنے والد کے انتقال کی خبر سوشل میڈیا پر مداحوں کے ساتھ شیئر کی۔

خاندانی ذرائع کے مطابق آخری رسومات ادا کر دی گئی ہیں اور سدھارتھ ملہوترا اپنے اہلِ خانہ کے ہمراہ دہلی میں قیام کریں گے۔ قریبی ذرائع کا کہنا ہے کہ وہ اپنے والد کے بہت قریب تھے اور یہ نقصان پورے خاندان کے لیے گہرے صدمے کا باعث بنا ہے۔

سنیل ملہوترا سابق مرچنٹ نیوی کمانڈر تھے اور سدھارتھ کی بچپن اور پیشہ ورانہ زندگی میں اہم کردار ادا کرتے رہے۔ سدھارتھ نے اپنے والد کے لیے جذباتی پیغام میں لکھا: “آپ کی دیانت داری میری میراث ہے، آپ کی طاقت ہر روز میری رہنمائی کرتی ہے، اور جو خلا آپ نے چھوڑا وہ ناقابلِ پیمائش ہے۔”