اداکارہ شروتی ہاسن نے اداکاری سے بریک لینے کی وجہ بیان کردی

بالی ووڈ کی معروف اداکارہ شروتی ہاسن نے 2018 میں اداکاری سے وقفہ لینے کی وجہ واضح کر دی۔ میڈیا رپورٹس کے مطابق اداکارہ نے کہا کہ شدید ذہنی بے چینی کی وجہ سے انہوں نے اس سال فلموں سے دوری اختیار کی۔

شروتی ہاسن بھارتی سنیما کے مشہور اداکار کمل ہاسن اور ساریکا کی صاحبزادی ہیں۔ اداکارہ نے بتایا کہ ہاسن خاندان نے ہمیشہ انہیں مختلف دلچسپیوں کی پیروی کرنے کی ترغیب دی اور کبھی ان کے تخیل یا صلاحیتوں کو محدود نہیں کیا۔

اداکارہ نے مزید کہا کہ انہوں نے اپنے والدین کے ساتھ پلی بڑھنے کا فائدہ اٹھاتے ہوئے گلوکاری، موسیقی اور اداکاری سمیت کئی فنون پر توجہ دی۔ انہوں نے والدین کو کریڈٹ دیتے ہوئے کہا کہ انہیں ہر وہ چیز کرنے کی اجازت دی گئی جو ان کی ترجیح تھی، اور وہ ہمیشہ اپنی پسند کے شعبوں پر توجہ دیتی ہیں۔