اداکار شہریار منور کے چہرے میں مبینہ تبدیلیوں کا انکشاف

پاکستانی اداکار شہریار منور ان دنوں اپنے نئے ڈرامے میں بہترین اداکاری اور پرکشش شخصیت کے باعث مداحوں کی توجہ کا مرکز بنے ہوئے ہیں، تاہم ایک ایستھیٹک فیزیشن ڈاکٹر عمارہ سعد ہاشمی کے تبصرے نے ان کے چہرے میں مبینہ تبدیلیوں پر نئی بحث چھیڑ دی ہے۔ انسٹاگرام پر جاری ایک ویڈیو میں ڈاکٹر عمارہ نے اداکار کی پرانی اور نئی تصاویر کا جائزہ لیتے ہوئے مبینہ طور پر ناک کی سرجری اور فلرز کے استعمال کا امکان ظاہر کرتے ہوئے ان کی نئی لک کی تعریف کی۔ اس ویڈیو پر سوشل میڈیا صارفین کی جانب سے ملا جلا ردِعمل سامنے آ رہا ہے جہاں کچھ صارفین ان کے نئے انداز کو مزید خوبصورت قرار دے رہے ہیں تو کچھ کے نزدیک اصل اہمیت ان کی اداکاری کی ہے، جبکہ چند صارفین نے اسے عمر کا قدرتی اثر قرار دیا۔ واضح رہے کہ شہریار منور کی جانب سے کسی کاسمیٹک سرجری کی تصدیق نہیں کی گئی ہے۔