پاکستان روبوٹکس اور مصنوعی ذہانت کے شعبے میں تیزی سے آگے بڑھ رہا ہے: شزا فاطمہ

وفاقی وزیر برائے انفارمیشن ٹیکنالوجی و ٹیلی کمیونیکیشن شزا فاطمہ خواجہ نے راس ایکسپو 2026 کے کامیاب انعقاد پر اطمینان کا اظہار کرتے ہوئے کہا ہے کہ پاکستان روبوٹکس، آٹومیشن اور اے آئی کے شعبوں میں تیزی سے پیش رفت کر رہا ہے۔ 2 روزہ نمائش کے دوران صنعتی، دفاعی اور لاجسٹکس کے لیے جدید نیویگیشن سسٹمز اور روبوٹس پیش کیے گئے۔ وفاقی وزیر نے بتایا کہ وزیراعظم نے ملک میں روبوٹکس کے فروغ کے لیے 20 ملین ڈالرز کی معاونت کا اعلان کیا ہے اور صنعت کے لیے جدید سمیولیٹرز تیار کرنے کی ہدایت دی ہے۔ شزا فاطمہ نے اس تاثر کو مسترد کیا کہ ٹیکنالوجی ملازمتیں ختم کرتی ہے، اور طلبہ پر زور دیا کہ وہ ریاضی، الیکٹریکل انجینئرنگ اور آرٹیفیشل انٹیلی جنس کے شعبوں کو ترجیح دیں۔