شکیرا کا بھارت کے بعد قطر میں ہونے والا کنسرٹ بھی ملتوی

دوحہ/ممبئی: عالمی شہرت یافتہ کولمبیا کی گلوکارہ اور گریمی ایوارڈ یافتہ پاپ آئیکون شکیرا کا قطر میں ہونے والا شیڈول کنسرٹ بھی خطے کی موجودہ جغرافیائی اور سیاسی کشیدگی کے باعث ملتوی کر دیا گیا ہے۔ خبر ایجنسی کی رپورٹ کے مطابق، مشرقِ وسطیٰ میں جاری غیر یقینی صورتحال اور سیکیورٹی خدشات کے پیشِ نظر انتظامیہ نے کنسرٹ کو فی الحال منسوخ کرنے کا فیصلہ کیا ہے۔

دلچسپ بات یہ ہے کہ قطر سے قبل شکیرا کا بھارت میں ہونے والا کنسرٹ بھی انہی وجوہات کی بنا پر ملتوی کیا جا چکا ہے۔ انسٹاگرام پر جاری ایک باضابطہ بیان میں واضح کیا گیا ہے کہ “موجودہ جغرافیائی سیاسی صورتحال اور علاقائی تناؤ” کے باعث کنسرٹ کو آئندہ اعلان تک کے لیے مؤخر کیا جا رہا ہے۔